Awor aki gobierno ta bezig cu presupuesto den Parlamento. Alabes tin temanan importante cu ta bin dilanti den tratamento di Parlamento pasobra tin cu toca tur cos cu tin placa envolvi di pueblo.
Un di e puntonan importante ta e asunto di Aruparking. Keto bay tin grito den Playa pa falta di espacio pa para auto y tur hende ta cuminsa grita pa klem.
Minister Chris Romero a splica cu e ta compronde e gritonan. E mes ta un persona ora cu e dicidi bin Playa, no tin caminda di para. Y ta cuestiona con por yuda cu economia asina. Pero nos parkeo mester pone como debe ser y ta bezig cun’e. E minister a instala un comision riba esaki. Aunke cu ta den un coalicion, e ta tuma e decision con e ta bay ta con cu bay bin. Tin cu bisa berdad hopi prome tabata grita riba Parkeermeter, cu klem. Etc. Awo tin un otro grito cu hendenan kier un solucion pa esaki y tin uno. E minister a menciona cu ta bezig ta delibera si klem ta keda of no pero no a yega na e punto ainda, pero mester bin sancion.
E mandatario a sigui splica cu no por ta asina cu ta parkeer robes y no tin sancion. Ta bezig ta mira ki metodo lo uza pa esaki. Tambe a pensa cu no ta tur caminda bo ta bay laga e parkeermeternan. Tin caminda cu si bo ta uza y tin caminda no. E prijs tambe, con cu bay bin mester ta social. E mester por cover su mesun gastonan. E cambionan ta na caminda, segun e minister. Ta calcula cu den menos cu un luna lo tin decision tuma riba esaki. Con cu bay bin, mester tuma decision. Ta coriendo perdidanan tur luna. Esaki mester mira con ta bay haci’e. Pronto decision lo cay riba dje.
Libra di subsidio
Aruparking, Arubus y Arutram ta bao di e mesun dak. Si Aruparking lo keda bao di e mesun dak, no sa ainda. Tin pensa si e ta pertenece bao di Arubus. Manera cu e minister a menciona den Parlamento tambe, ta pensa cu por subsidia Arubus un tiki mas, ta haci e tarifanan mas social ainda. Pero tambe brinda miho servicio. Den e areanan ey e minister kier bay. Sa cu hende ta uza bus y lo ta bon pa brindanan oportunidad aki, pa por spaar un tiki cen. Si haci un calculacion, ta conta cu un persona cu ta coy seis bus pa dia, ta gasta entre 400 y 500 florin pa luna djis na vervoer so. Ta cosnan cu no mester. Un hende cu ta gana 2000 florin ta resta 1500. 500 a bay na transporte y esey ta bira un tiki dificil. Ta purba subsidia mas eynan y den e parti di Aruparking, berdad Arubus ta su compania madre, pero ta pensa si e mester keda bao di Arubus of ta pone bao di DTP. Esey ta bezig ta deliberando y mira kico ta e miho paso pa tin un miho control.
Esey ta bezig cune y pronto lo anuncia kico e lo ta pa futuro.
Amplia e zonanan
Den pasado e gobierno anterior a pensa pa amplia Aruparking, pa bay den e zona hotelero, etc. pa no solamente cobra pero tambe pa drecha e forma di para auto den e vecindario. Ta cos cu gobierno tin den mente tambe. Segun e mandatario e tabata poni den tres fase. Tin e parti di Oranjestad, pero tambe tin e parti banda di Boulevard bay abao y e area di hotel. Ta bezig ta pensando eynan. E parti aki sigur mester ta poni na ordo. Ta haya hende cu ta para unda cu ta. Esey tambe ta den pensamento pero no sa con leu ta yega eynan. Kier regla rond den e area di Oranjestad prome y una bes cu ta cla cu esey ta bay pa e siguiente fase.
Cartanan di keho
Gobierno ta na altura di carta comerciantenan a manda pa falta di espacio. Gobierno a tuma nota di esey. Segun minister mester bin solucion. Kier purba di bin cu un parkeergarage tambe, cual ta un di e ideanan. Esey ta den pipeline, con lo pak’e aan. Lo cuminsa cu e parkeermeternan den Playa y despues lo mira con lo sigui cu esey.
Eror di gobierno anterior
E gobierno anterior a hinca nan den problema eynan. Ex prome minister a pone un stop aden cual no tabata algo responsabel e ora ey. Cu e mester a wordo drecha esey ta sigur. Con a introduci’e tabata tiki abrupto. Pero esey no tabata un decision corecto e ora. Esey a pone cu awe tin e problemanan. E tempo ey caba e hendenan a cuminsa custuma cu e meternan. Tabata un decision cu no tabata na su luga, pero ta di spera cu lo drecha esaki na caminda. Pa aki un luna sigur lo tin un decision riba esaki, segun minister Romero.
