Minister Plenipotenciario di Aruba Guillfred Besaril a atende recientemente e apertura oficial di e oficina di Curaçao Investment & Export Promotion Agency Cinex pa Hulanda. E filial di Cinex ta den Gabinete di Minister Plenipotenciario di Curaçao y ta pa stimula companianan Hulande pa inverti na Curaçao.
Cas di Aruba ya pa shete aña tin e departamente di “Economische Acquisitie” cu ta inventarisa y sostene inversionsitanan cu nan plannan pa inverti na Aruba. E evento aki a brinda un bon ocacion na Minister Besaril pa topa y cera conoci cu inversionistanan y embahadornan di paisnan Latino Americano, manera e embahadora di Cuba Soraya Álvarez Núñez y e director di ProMéxico Trade and Investment Alfonso Mojica NavarroMexico. Tambe e mandatario a cera conoci cu e director di Cinex Ramon Koffijberg y Sasha Mercer, Senior advisor Desaroyo Economico na Gabinete di Curaçao.
