Despedida pa mentor Charité Hu-a- ng-Brion

Recientemente a tuma lugar na Gabinete di Aruba despedida pa studiementor di Den Haag, Delft y Leiden, sra. Charité Hu-a- ng-Brion. Esaki a tuma lugar den presencia di Minister Plenipotenciario sr. Guillfred Besaril, directora interino sra. Shandra John, functionarionan di departamento di enseñansa di Gabinete di Aruba, collega studiementornan y sr. Cesar Hu-a- ng, esposo di Charité.

Studiementor sra. Edy Ranada a tene un discurso den nomber di e otro studiementornan y sr. John Dirks a haci entrega den nomber di e studiementornan un regalo na Charité cu tabata un cuadra di un studiante Aru  biano Denzel Ellis. Minister Plenipotenciario Guillfred a haci entrega di un plakkaat na Charité. E inscripcion riba e plakkaat ta bisa ‘Reconocemento di aprecio y gratitud di Gabinete di Minister Plenipotenciario di Aruba na Charité Hu-a- ng-Brion pa su añanan di dedidacion na guia di studiantenan Arubano na Hulanda’.

Finalmente sr. Besaril a gradici Charité pa e añanan di trabao como studiementor y a desea Charité tur clase di exito den futuro. Charité a gradici tur hende pa e bunita palabranan y e regalonan. Ela bisa cu tur e añanan cu ela traha pa Gabinete di Aruba ela haci esaki cu gran amor y na bienestar di nos studiantenan. Mentor pa Rotterdam, sr. John Dirks, lo tuma e ciudadnan Den Haag, Delft y Leiden for di Charité over.