Dialuna Corte a trata e caso contra Izaak Principaal, kende ta acusa di a mata Sayuri Petronia dia 4 di juni 2021. E tata no ta di acuerdo cu Principaal a apela su caso y a opta pa bay hoger beroep.
E acusado y su abogado a dicidi di bay hoger beroep, asina Mike Petronia, tata di Sayuri, a indica. Nan a haci esey pa motibo cu nan no tabata di acuerdo cu e sentencia di nuebe aña y cu TBS. Den pensamento di Petronia ta cu si Principaal no ta di acuerdo, esey kiermen e no ta sinti su mes culpabel. Tambe pasobra e no tin sentimento di a mata un persona, yiu di hende.
A bisa hopi cos den corte, pero na final Sayuri no t’ey mas. El a sigui bisa cu Sayuri ta mata. Principaal por haya nuebe aña, haya TBS, pero ta na bida mientras cu su yiu muhe mes no t’ey mas. E kier sa kico ta bisa di esey. Petronia tin cu bishita su yiu na santana, pero Principaal si por haya bishita di tur hende den prizon.
Petronia ta puntra dicon ta duna e acusado nuebe aña y TBS. Esaki ta debi cu e hoben mester drecha su sistema cu e ta, TBS ta un luga cu ta traha cu e persona p’e bira un hende diferente den comunidad. E ta keda para cu su yiu no t’ey mas.
E ta haya cu tur cos ta un comedia, un show. Pa motibo cu ta yega bek n’e punto cu Sayuri no t’ey mas y tur cos tin ta bisa, ta haci tur cos al estilo di un comedia pa Principaal por scapa.
Na fin di dia e persona kier sali di prizon, no kier bay TBS na Hulanda. Kiermen tin cu haci show p’asina e huesnan por kere. Petronia a enfatisa cu tipo di cos asina no ta traha cu ne, pasobra el a perde su yiu caba. E ta sigui riba su rumbo y keda protesta cu a mata Sayuri. Cuenta cu stoel a bay kentel cu yen cos. E ta cuestiona e echo cu stoel a kentel y pa eror e arma a bay. Y a tira e persona den su cabes. Tambe e ta cuestiona si esey ta un eror, cuenta cu stoel a bay di banda, posiblemente e por a tira un otro parti di curpa. Pero e kier sa con ta posibel cu su stoel a kentel y su yiu a termina tira na cabes.
Pa mas lesa TREMPAN.COM.
