Den e mundo digital cu nos ta bibando actualmente, un plataforma social a bira parti di nos bida cotidiano. Hopi ta esunnan cu ta depende di e plataformanan social pa nan trabou.
Siman pasa e compania Meta cu ta maneha e plataformanan Facebook, Instagram y WhatsApp a encontra problema cu su red. Miles di usuario a reporta cu nan tin problema cu nan Facebook mientras mas di 6600 usuario a reporta cu no por uza nan Instagram. WhatsApp tambe ta enfrentando problema y aki tin como 1300 usuario cu a reporta cu no por manda un mensahe pa un of otro persona. A acerca Meta pa un reaccion riba e desaroyo aki, pero sin resultado.
Na Aruba no ta un excepcion, tambe diferente persona a comenta cu nan sea no por uza nan Facebook, Instagram of WhatsApp. Tabata algo cu a dura apenas algun minuut, ya cu despues di un rato a ripara cu por sigui normal cu uzo di e plataformanan menciona.
