Hopi ta esunnan cu a recientemente a ricibi nan Bachelor’s Degree den papiamento, ainda no a haya un trabou.
mr. Mike Eman, lider di fraccion di AVP den parlamento, a indica cu el a sostene un reunion cu cinco di e graduadonan. E personanan aki ta hobennan cu tabata tin nan trabou, pero nan a tuma e decision di kita for di nan trabou y bay IPA, pa siña como docente di papiamento.
IPA y gobierno tabata tin 4 aña pa zorg pa ora cu nan caba, nan por tin unda pa bay duna les.
For di e grupo aki di bintiun, por a compronde cu tin diesseis di nan cu ainda no tin trabou. Gobierno tampoco a sali dunanan un contesta sigur cu nan lo tin un trabou fiho.
Locual lo por a bay fout, ta cu a ofrece esunnan cu ta docente caba, pa haci e estudio aki tambe, den un termino di dos aña.
Pa un relato mas extenso, lesa TREMPAN.
