Kiwanis Club International tabata tin su K1 Day. Ta un dia cu rond mundotur Kiwanis Club ta bezig cu un proyecto pa comunidad, segun Nylamee Wanga, PR director di Kiwanis Club of Young Professionals.
A toca turno na KCYP y demas clubnan Kiwanis na Aruba pa traha riba Pius X School. Nan a verf e speelplaats, drecha dak di e edificio, drecha tambe e speeltuin cu nan tin patras. Kico cu ta cu por yuda cun’e pa haci e scol mas miho pa e muchanan.
Wanga a sigui splica cu presente tabata tey ta e miembronan di Kiwanis Club of Palm Beach, Kiwanis Club of Young Professionals, K-kids of Princess Amalia y tambe Builders Club di San Antonio. Algun miembro di Circle K di Universidad di Aruba.
Cada cos cu por haci pa yuda comunidad ta importante pa Kiwanis. Por ehempel e muchanan tabata tin un speeltuin cu no tabata tin wega. Wanga a bay e scol aki como mucha y a crece ta hunga wega y awo nan ta treciendo esaki pa nan. Ta importante pa haci un ambiente sigur y tambe dibertido pa e muchanan studia na e scol.
Dos scol a acerca Kiwanis. Despues di a analisa kico por haci den e tempo corto cu tin, a dicidi pa scoge Pius X y e otro scol a lag’e pa un siguiente proyecto.