Aruba Hotel & Tourism Association (AHATA) a organisa e tayer di “Fundamentals of Revenue Management” pa su miembronan na La Cabana Beach Resort.
E tayer tabata dirigi especialmente na miembro den funcion di liderazgo cu no ta envolvi directamente den maneho di ingreso. Durante e tayer a trata temanan basico di e function di Revenue Management y con por aplica e topico aki na cualquier negoshi. 
Tambe a elobora riba e partinan di e filosofia, su funcionamento anto e beneficionan di incorpora un procedura di revenue management. E tayer tabata uno interactivo; a parti e participantenan den gruponan y nan a ricibi diferente scenario cu mester a traha cun’e pa bin cu un plan strategico pa nan maneho.
AHATA a gradici e dos trainers: Sra. Aisling Seberry, Directora di Strategia di Mercado di Aruba Marriott Resort & Stellaris Casino y The Ritz-Carlton Aruba y Sra. Carolina Voullieme, Directora di Sales & Marketing Aruba Marriott Resort & Stellaris Casino. ra. Seberry y Sra. Voullieme a prepara y duna e training educacional y exitoso cu nan conocemento extenso di e tema.
