Diabierna anochi a tuma luga presentacion di buki conmemorativo describiendo historia di 30 persona of organisacion cultural cu a celebra un of mas lustro den aña 2018. Esaki den presencia di varios invitado den e Parke dilanti Edificio di ex-Brenchi.
Parlamentario Michael Lampe entre e invitadonan, a presenta pa asina duna un aporte na Cultura cu semper ta di importancia den nos comunidad. Cultura ta un parti esencial y ta hunga un rol grandi den identidad y balor.
Presentacion di e Buki di Baluarte ta bin despues di hopi aña di preparacion, caminda diferente departamento encarga cu cultura como tambe diferente artistanan y ta menciona den e buki aki ta haya nan reconocimento. No por descarta cu sigur tin hopi mas artista riba nos Isla, pero esnan cu e buki ta menciona a duna un highlight riba nan trayectoria y aporte pa hopi aña na nos comunidad atrabes di e balor cultural.
Parlamentario Lampe ta comenta cu su presencia na e anochi aki tabata pa brinda aporte na tur e artistanan local cu ta parti grandi di nos cultura. Na momento cu bo ta traha pa bo Isla, no ta tur cos ta politica, mas ainda si ta trata e cultura di bo pais, maske ta un evento di e Gobierno actual, e importancia di duna honor na nos baluartenan ta mas grandi cu mira e parti politico akinan. Cultura ta nos tur y ta para riba politica cu influencia riba e representacion cu cada un di nos ta hiba den politica.
Pa finalisa Parlamentario Michael Lampe, un persona cu hopi pasion pa cultura ta para na banda di Cultura, ta para hunto cu Pais Aruba su hendenan cu a traha duro riba e buki aki na aporte di nos cultura.
