Servicio Meteorologico (Meteo) ta informa cu un alerta pa boto chikito y lama bruto ta drenta na vigor mayan dialuna 19 di februari pa 6:00am y lo keda valido te diabierna 23 di februari pa 6:00am. Areanan afecta ta principalmente costa noord te noordwest, costa di Arashi, high rise y low rise hotels.
Situacion di tempo:
Diferencianan di presion den area di Caribe lo aumenta durante e proximo dianan y lo produci un biento relativamente duro te hopi duro den rafaga causando lama bastante bruto na nos costanan cu normal ta trankil y bruto, specialmente na nos costanan Noord te noordwest caminda olanan por yega 6 te 10 pia.
Accion di precaucion:
Ta avisa uzadonan di facilidadnan di lama y doñonan di boto chikito pa tene cautela principalmente cerca di e area di costanan noord te noordwest.
