Cos ta manera trankil na KIA. Edmundo Marlin di SEPPA ta splica cu awor aki, despues cu e director, kende tabata tey a bira parlamentario, tin un persona cu tin e leiding awor aki na KIA. Pero locual a sosode ta, a keda atras trabaonan cu mester wordo caba. Tabata tin locual cu ta yama un Jaarplan, y den e jaarplan ta duna specificamente kico tin cu wordo haci pa 2018. Basa riba esey, SEPPA ta bezig ta monitor locual ta para riba e jaarplan eynan, si eseynan ta wordo ehecuta.

Un di e preocupacionnan di e trahadonan ta, ta na momento cu e Gobierno anterior a bin cu e reorganisacion nobo y a bin cu e salarisstructuur nobo, na cierto momento a tuma e decision cu tin cu wordo ehecuta y te cu awe, esey no a sosode. Esey ta un di e preocupacionnan di e trahadonan cu ki momento esakinan lo sosode.

SEPPA a manda un carta pa minister di husticia, solicitando un reunion. A mande dos carta, cual te asina leu no a haya contesta riba dje, pa por sinta y wak e situacionnan aki tocante e reorganisacion nobo cu a tuma luga, y e salarisstructuur cu tin cu wordo ehecuta ainda, pero cu a pasa den ministerraad, segun cu SEPPA tin di compronde.

Cambio

Cu KIA ta sin director, e instituto ta wordo maneha toch. Locual pa SEPPA ta importante, ta locual e trahadonan mester pa nan traha, esta material, promocionnan cu tin cu wordo regla y e partinan caminda cu ta wak cu ta e siguridad pa tanto e trahado y e detenidonan cu mester ta na su luga cu actualmente e camararoom ta up and running. Tin hopi otro cos mas cu tin cu wordo ehecuta. Pesey mes Marlin a splica cu tin e jaarplan 2018. Pesey SEPPA ta bezig ta monitor, pa wak loke a wordo palabra, pa wordo haci na 2008, si esey nan ta bay tuma luga. Pesey kier e reunion cu e minister, pa wak cu locual a wordo planea, si minister ta bay ehecuta nan. No sa kico su maneho lo bay ta, pasobra esaki tabata un beleid di e gobierno anterior. Si e ta bay sigui cu e mesun plannan cu tabata tin, cu tabata riba papel caba pa wordo ehecuta e aña aki, si e ta bay sigui cu nan, sino, kico su plannan ta pa KIA.

Presion

E presion riba siguridad di KIA tey ainda. Pesey awor aki, pa SEPPA ta importante cu mester tin e personal y e material necesario pa eherce e trabao manera mester ta, segun Edmundo Marlin.

Opleiding

Loke a wordo papia di dje tambe ta e opleidingnan cu mester tuma luga pa upgrade e personal na e nivel cu nan mester ta, segun CPT. Despues cu nan a bin haci audit na Aruba, pa bisa con e personal, na ki standard nan mester ta pa eherce e trabaonan, conforme e normanan.

Personal

E problema cu tin ta cu e infrastructura ta un problema. Tambe falta di material, como tambe mester di opleidingnan aki y por ultimo falta personal. Esey ta un problema cu KIA ta canando pa varios aña caba. Marlin a menciona cu ta depende kico e Gobierno su posicion ta bay ta pa KIA awor aki y organisatiestructuur cu a acorda caba, si Minister dicidi cu ta bay atende na esey. Si e atende su mes na esey, eyden tin exactamente buta cuanto personal tin mester pa bo draai bo organisacion. Actualmente ta bao di e bedrag eynan. Automaticamente ta bay tin mester di bin cu e opleidingnan, pero no ta bay haya e montante den un solo biaha. Ta cada aña ta tanto hende tin cu buta aden. E sistema nobo con ta bay duna e opleiding awor aki, ta un sistema cu e trahado eynan ta bay opleiding pa tres aña. Automaticamente e ta bay tuma hopi tempo pa bo yega na e montante.

Banda di esey tin cu bay wak tambe e situacion caminda cu na mesun momento ta tumando den servicio, pero tambe tin gruponan na cierto momento cu ta baha bay cu pensioen. Nunca bo ta yega na e cantidad cu bo tin mester, segun Edmundo Marlin di SEPPA.