Servicio Meteorologico di Aruba, den su boletin emiti diabierna 5:00pm ta informa cu shelo lo ta levemente te parcialmente nubla y generalmente seco. Diabierna pa diasabra marduga y diasabra lo ta parcialmente nubla cu awasero local. Temperatura maximo lo ta di 30 grado celsius y temperatura minimo 25 grado celsius.
Biento:
Lo ta modera for di direccion oost te noordoost; Forsa 3 te 4 (12 te 30 km/ora, 7 te 16 nudo)
Den dia basta fuerte te posiblemente fuerte den rafaga; Forsa 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora y pa fin di siman en general humedad lo aumenta causando shelo temporalmente hopi nubla. Ocasionalmente esaki lo causa algun yobida riba cierto partinan di nos isla.
Condicion di lama:
Olanan di lama lo ta for di direccion oost cu haltura di 5 te 7 pia; e olanan di mas halto lo ta na costa noordwest di e isla. Ta pidi usuarionan di lama pa tene cuenta cu esaki. Temperatura di superficie di lama lo ta di 26 grado celsius.
Pronostico di tempo pa sobra di fin di siman:
Parcialmente nubla cu chens pa algun awasero local. Biento lo ta for di direccion generalmente oost y modera te basta fuerte posiblemente fuerte den rafaga; Temperatura max / min lo ta: 30/25
E proximo boletin lo wordo publica diasabra 30 di december 2017 pa 5:00pm.
