Servicio Meteorologico di Aruba (Meteo) ta pronostica cu Diabierna anochi shelo lo ta: levemente te parcialmente nubla cu chens pa awasero pasahero. Den marduga y diasabra e lo ta parcialmente nubla cu chens pa poco awasero breve. Temperatura maximo lo ta di 31 grado Celsius y temperatura minimo 25 grado Celsius.
Biento:
Biento lo ta modera for di direccion oost te oost-noordoost cu forsa 3 te 4 (12 te 30 km/ora, 7 te 16 nudo). Den dia biento lo ta basta fuerte te fuerte den rafaga cu forsa 5 te 6 (31 te 50 km/ora, 17 te 27 nudo).
Situacion general di tempo:
Den e proximo 24 oranan aire menos humedo lo drenta nos region local. Sinembargo, ainda ta suficiente humedad den nivelnan mas abou y esaki lo haci cu temporalmente lo tin mas nubia den nos region. Pa e motibo aki tin chens pa awasero breve.
Condicion di lama:
Olanan di lama lo ta for di direccion oost- noordoost cu haltura di 5 te 8 pia. E olanan di mas halto lo ta na costa noord te noordwest di e isla caminda ainda nan por yega 9 pia. Lama lo sigui baha poco poco den proximo dianan. Sinembargo ta pidi uzuarionan di boto chikito pa sigui tene cautela riba lama grandi.
Pronostico di tempo pa fin di siman:
Shelo ta la levemente te parcialmente nubla cu chens pa awasero pasahero. Biento lo ta for di direccion generalmente oost y modera, den dia basta fuerte te fuerte den rafaga.
