Servicio Meteorologico Aruba (Meteo) ta pronostica cu awe nochi shelo lo ta parcialmente nubla cu chens pa awasero pasahero. Den marduga y diamars mainta shelo lo ta parcialmente te temporalmente hopi nubla cu chens pa awasero breve. Temperatura maximo lo ta di 31 grado Celsius y temperatura minimo 25 grado Celsius. Solo lo baha awe nochi 7:09pm y lo sali mañan mainta 6:19am.
Biento:
Biento lo ta modera te basta fuerte for di generalmente direccion oost cu forsa 3 te 5 (12 te 39 km/ora, 7 te 21 nudo). Den dia biento lo ta fuerte te posiblemente duro cu rafaga di forsa 6 te 7 (40 te 61 km/ora, 22 te 33 nudo).
Situacion general di tempo:
Den proximo 24 ora humedad den atmosfera regional laga atras pa un ola tropical lo pone cu temporalmente lo tin mas nubia riba nos isla. Pa e motibo aki por spera algun awasero breve cu chens pa e bin compaña pa strena cu lamper. Un proximo ola tropical lo drenta area oost di Caribe den curso di diaranson, aumentando e chens pa awasero den region.
Condicion di lama:
Olanan di lama lo ta for di direccion oost cu haltura di 4 te 6 pia cu e olanan di mas halto na costanan oost, noordoost te noordwest di nos isla.
Potencial di awasero pa proximo 24 ora:
Chens pa awasero lo ta entre 1 te 3 mm. Por varia den diferente bario.
Pronostico di tempo pa proximo dianan di siman:
Parcialmente nubla cu chens riba awasero local. Biento lo ta for di direccion oost y modera te basta fuerte. Den dia fuerte te duro den rafaga, mientras cu temperatura max / min lo ta: 32/26
