Meteo: Dos ola tropical lo por causa awasero mañan

7630

Servicio Meteorologico di Aruba (Meteo) a informa awe tardi cu tin un ola tropical pasando den e region oost-central di Caribe y cu lo trece algo di humedad den nos region. Esaki por produci awasero durante principalmente oranan di marduga y di diaranson mainta. Un otro ola tropical, esaki mas activo, lo drenta den parti oost di Caribe den curso di mañan diaranson. Mas leu por bisa cu stof di sahara ta presente ainda den area di caribe pero den concentracion mas leve.

Pa loke ta e estado di lama, generalmente ta spera cu den e proximo 24 oranan e lo ta modera cu olanan for di oost entre 3 pa 5 pia. E olanan di mas halto ta na e partinan oost te noordwest.

Pronostico di tempo pa e proximo 3 dianan lo ta parcialmente nubla cu un awasero breve. Biento lo ta for di direccion oost; modera te basta fuerte; fuerte te duro den rafaga, mientras cu temperatura lo ta di max/min 33/27 grado Celcius.