E pandemia a trece hopi tempo duro p’e comunidad di Aruba y a causa insiguridad di cuminda pa hopi famia y esunnan individual. Aunke tin e pandemia, dia 29 di juli ultimo, Drive-In Theatre na Kibaima a habri bek cu un concierto di auto cu Jeon, den cooperacion cu Elite Productions, The Movies y Brouwerij Nacional Balashi.
Awo ta haci donacion na dos fundacion cu e ganashi di concierto. E fundacionnan aki ta sostene comunidad local cu basketnan di cuminda como tambe sosten y guia pa victimanan di violencia domestico. “E idea original tras di e concierto tabata pa comparti e mensahe di speransa, pa trece musica y felicidad durante e tempo aki mientras ta sostene comunidad local cu fondo pa cuminda,” asina Jeon a bisa, kende a cuminsa cu e plan di concierto di caridad. “Di tin e reapertura tabata e locacion perfecto p’esaki. Tabata un sistema di entretenimento ideal cu a permiti distancia y ta cumpli cu tur procedura di salubridad duna pa gobierno.”
Como un di e dunado di trabou mas grandi di e isla, MetaCorp ta dedica na sostene iniciativanan den comunidad di Aruba. Eddie de Veer, CEO di MetaCorp a bisa cu “Den tempo aki nos mester ta uni y pensa riba un imagen mas grandi. Aruba ta su hendenan y nos ta contento pa duna bek. No tabata solamente un idea grandi, sino tambe partnernan importante pa logra un impacto grandi. Cu nos esfuerso comun nos por a logra colecta un suma remarcabel pa sostene necesidad di esunnan den mas necesidad.”
Fundacion Pa Nos Comunidad
Fundacion Pa Nos Comunidad (FPNC) ta e banco oficial di cuminda na Aruba desde 2009. E ta sostene gruponan vulnerabel y inicativa di boluntarionan rond Aruba. Nan mision ta pa evita y combati pobresa, stress emocional y exclusion social. FPNC ta promove participacion, cuido di pobresa y bienestar completo na Aruba. Durante e crisis di COVID-19, bou coordinacion di Crus Cora, FPNC a provee mas di 17.800 basket pa personanan den necesidad.
Fundacion pa Hende Muhe den Dificultad
Fundacion pa Hende Muhe den Dificultad (FHMD) ta provee sosten y guia pa victima di violencia domestico, pero tambe ta yuda trece conscientisacion cu e meta pa termina violencia domestico na Aruba. FHMD ta ofrece guia despues di violencia domestico, cas temporario durante crisis, psicologo como tambe yudansa legal si mester. Nan ta duna consulta y lectura pa clientenan ambulatorio manera scol y empodera hende muhenan pa nan ta menos vulnerabel pa acepta violencia como un norma.
