Den cuadro di e evento teni diabierna ultimo, organisadonan di e Sustainable Education Symposium 2022 a tene adicional na e lectura tocante economia circular, tambe un mercado den cual a ilustra algun di e empresarionan local chikito cu ta haciendo uzo di recursonan natural cu desperdicio minimo.
A ubica entre cinco pa dies mesa den e foyer di Cas di Cultura caminda asistentenan por a pasa y conoce e productonan, pero tambe combersa cu e empresarionan tras di cada marca y asina puntra tocante e concepto, produccion, etc.
Alfred Herrera tabata un di e empresarionan aki. E ta bende shot di moringa y azeta di coco. El a haya invitacion for di organisadonan di e simposio y el tuma e oportunidad di expone su productonan na un grupo cu por genera un reconocemento mas grandi pa su marca.
Herrera tabata hopi satisfecho di por a forma parti di e evento y ta spera cu por sigui apoya e iniciativanan local.
