Esaki e miembro di parlamento di e fraccion geel Marco Berlis a declara. Sinembargo e ta bisa cu mester mira e situacion mas leu tambe. Esta cu no tin motibo pa Aruba ta sushi tampoco.
Aunke cu na inicio e parlamentario ta admiti cu ora e ta cana rond, pa su salud, el a ripara cu tin mas sushi rond, pero ta haya cu como ciudadano di e pais no tin excuus pa haci esaki. E ta bisa esey pasobra gobierno tin un servicio di recoge sushi. Y si un persona ta riba caminda, e por simplemente wanta e sushi den auto te ora cu yega y deposit’e den e bari. “No tin motibo pa tira sushi rond.”
Parlamentario Berlis tambe a bisa cu e responsabilidad di cada ciudadano ta hopi grandi. “Mester haci loke ta necesario pa mantene nos pais limpi.”
Loke e ta hopi preocupa cu ne ta e parti di hendenan cu ta gara tirando sushi riba caminda publico. E ta aplaudi contribucion di ciudadanonan cu ta reporta tipo di casonan asina, cu ta grab’e y pone City Inspector. Pero tambe ta elogia e trabou cu e departamento ta haci pa boet e personanan cu ta comete e tipo di actonan asina. “Nos ciudadanonan mester ta mas preocupa cu nos pais, en bes di djis critica y grita tur sorto di cos.”
Accion di denuncia publico ta na su luga,” el a enfatisa.
Mirando cu ainda ta tira sushi rond, e ta kere kisas falta mas informacion, di unda por tira sushi y con mester reparti e sushi. E ta consciente cu tin hopi reto, pero mester keda informa pueblo.
