Den oranan di mainta a yama polis pasobra tin un caso di sacamento di arma di candela. Na un cas den Madiki e sospechoso lo tabata. Polisnan a yega rondona e cas.
Despues a tende cu e sospechoso principal a bandona e sitio cu auto mientras tambe a drenta otro version cu ta riba brommer e lo a bay. Polis na prome instante no a kere e storia. Polis a keda basta rato na e adres na Madiki y tabata busca forma di drenta e cas cu team special.
A drenta mas informacion cu berdad e sospechoso principal no tey. Pero un otro cu tabata tey y cu lo ta envolvi tabata presente y a keda deteni. Despues di keda busca informacion, finalmente no a drenta e cas. A papia cu e mama di un di e sospechosonan. E mama no tabata masha contento cu polis ta busca su yiu.
Finalmente polis a bandona e sitio cu un sospechoso. Na yegada na warda e subfiscal a dicidi di lage bay liber mesora pasobra ta sinti cu e no tin di haber of no por prueba cu e tambe tabata envolvi den e menasa cu arma di candela. Polis tin wowo awo riba e otro sospechoso cu a logra bandona e sitio sea den auto of brommer. Nan sa ken e ta.
