Abuso di Poder
“Abuso di Poder ta ora bo sa e berdad y bo ta aprobecha di hende. Stop di haci wega cu bida di hende.”
Si nos haci investigacion y busca mas aleu di loke ta pasando rond nos por deduci hopi cos y por sa e berdad tras di diferente situacion cu ta coherente cu nos situacion actual di mundo henter.
Omicron of Oducron?
Recientemente a sali un comunicado di prensa pa informa pueblo di loke ta pasando y con nos como ciudadano mester atene nos mes na esaki. Hopi ta e preguntanan pero tambe den comunidad a crea incertidumbre pa loke ta e maneho cu ta hiba pa e Ministerio di Salubridad den su totalidad.
Como persona di confianza y esnan cu no por trece abiertamente loke nan ta vocifera pa miedo cu nan bos ta wordo kita di nan sea pa un tapa boca pa no bisa nada cu ta pasando caminda ta traha of pa miedo di perde nan trabou. Otronan cu ta trece nan preocupashonan dilanti pasobra e palabra integridad tin sapatonan grandi pa bisti pero e pia ta chikito ora ta papia di Protocolnan di DVG y otro medidanan.
E ta facil pa kere cu nos tin un pais cu hendenan cu no ta comprende kico ta pasando, esta un pais bobo. Alcontrario na loke nos hendenan ta, nos hendenan ta hendenan sabi e inteligente caminda hopi ta esnan cu tin puestonan halto sea na Aruba mes of afo. Nos ta lubida Aruba ta duna chens na cada persona cu ta desea di sigui crece den bida y ta haci esaki. Y otronan ta haya puesto pasobra nan a hereda esaki pa nan fechorianan y persecucion di famianan inocente.
Fuente: 24ora.com
Problemanan serio cu ta escalando, hopi hende no tin trabou, hopi hende no tin cuminda, hopi tiendanan a cera nan porta, scolnan tin problema, taxistanan tin menos entrada, permisonan ta sigi wordo duna na hotelnan pa wordo construi mientras otronan ta core bashi, enfin por sigi riba diferente tema y lo mira cuanto nos isla mes falta ainda. Y e palabra di dia ta “MOVE ON?!?”
Su Excelencia Minister Oduber, cu tur respet, pero zorg pa tur experto ta riba e mesun liña ora bo kier pa nan trece algo dilanti y cu e informashon corecto.
Awor mi pregunta ta kiko a pasa cu e palabra “verkoudheid of griep” esaki no ta existi mas na mundo? No ta tur cos cu pasa afo nos Aruba mester adapta na dje si tin varios dokter, scientificonan y expertonan cu nan mes no ta riba e mesun liña.
Por lesa mas na y compara otro noticianan cu ta wordo publica afo.
Fuente: https://www.inform.kz/en/omicron-no-more-dangerous-than-delta-but-is-more-contagious-expert_a3877740
