Team di 24ora.com a haya diferente yamada di mayornan preocupa cu un situacion cu pa nan ta inaceptabel. Den porta di Maria College, den Dominicannessestraat tin un cas banda cu a bira un chollerhouse.
No solamente Maria College pero tambe Rosario College ta situa den e edificio aki den Dominicannessestraat. Pues tin grupo di muchanan di scol basico y hobennan hunto den e edificio cu ta situa net otro banda di e chollerhouse ya menciona.
Basta aña pasa e señora doño di e vivienda a wordo haya sin bida paden. Despues di esey, herederonan a cera e cas y a pone un borchi cu e cas ta na benta, pero tempo a pasa y no a logra haya ningun cumprado. Mientrastanto poco-poco chollernan a cuminsa yega y invadi e cas.
Ta parce cu tin hende ta pasa anochi eyden, pasobra tin paña plama tur rond, pero tambe a keda rastro di loke nan ta uza, probablemente base, mirando e artefactonan.
No solamente pa e studiantenan aki e situacion aki ta uno peligroso, pero habitantenan di e area tambe tin molester cu e situacion aki.
Famianan kier bende, pero no ta logra haya bendedor. Mientrastanto e preocupacion ta sigui existente.