Diamars atardi Aruba su team di dos scol di Taekwondo a biaha pa Costa Rica hunto cu nan mayornan. Samuel Rosales ta representando Noord Taekwondo Center bou guia di Grand Master Chaco Cornelio, Master Melvin Rasmijn y Master Yoshmar Wever.
Danon Delamore y Joshua Klabér ta parti di Brazil Taekwondo Stichting su team di “Train Hard Fight Smart”. Aruba su team tin cu registra pa haña nan credencial. Diahuebs, Diabierna, Diasabra y Diadomingo nan ta cuminsa bringa y lo por wak esaki bibo y directo for di e Facebook nobo di Stichting Brazil Taekwondo.
Nos ta desea nos team tur exito na San Jose, Costa Rica y tur e peleanan ta den BN Arena.
