Dialuna den oranan di merdia ta pidi pa ambulance na Piedra Plat, den bisindario di Mido Restaurant unda un accidente a tuma luga.
A core un rato prome cu a topa cu e sitio di e sucedido. Segun por a compronde, e auto Lexus tabata biniendo di un hanchi di caminda di santo y mester a subi e caminda cu ta pasa dilanti Centro Kibrahacha.
Sinembargo, manera bisiñanan a bin ta kehando, tin mata cu ta colga hopi y ta stroba bista di chauffeurnan. Den e caso aki e chauffeur di e Lexus a splica cu e no a mira bais, y a dicidi di subi caminda pero net un bicicleta tabata biniendo y a dal den dje.
E cabayero riba e bicicleta a haya un corta y nan a pone den ambulance pa trat’e.
