Caso di ladronicia tambe ta lantando cabes y ta diferente establecimento ta birando victima. Awe mainta a bolbe constata un otro intento pa drenta un negoshi den Playa.
Polis a presenta den careda di 9:30 am na Botanica Oro y Plata den Zuidstraat, net patras di warda di polis bieu, caminda propietario a bin topa cu sorpresa desagradabel. Den e baño a bin haya un jack di auto, meymey di e hero, cu a purba bres pa drenta. Afortunadamente e esfuerso no a logra.
No ta conoci e orario di e acto pero ta mainta a bin descubri tur cos. Na yegada di polis, a tuma dato, a cana rond pa sigura cu no tin nada mas kibra y por a constata cu no a bay cu nada y cu tur cos ta na ordo paden. Lamentabel cu e area ta bou gara di ladron y cada biaha ta reporta un of otro kiebro den cercania di Lagun y vecindario.
