Marlon Werleman: Mester di 11 voto pa pasa mocion den Parlamento

2341

Despues di e ultimo desaroyonan ayera nochi den Parlamento, nos a consulta varios experto of ex-presidentenan di parlamento pa comparti nan experiencia y cu conocemento amplio riba e tema aki, pa por duna un guia con pa mira e pasamento di mocion cu un minimo di sosten.

Marlon Werleman tabata vice-presidente di parlamento pa algun aña y a asumi e rol di presidente di parlamento pa un temperada, dedicando un total di 28 aña na politica. E no ta activo mas den politica, pero despues di tanto aña Werleman ta tambe un biblioteca di conocemento politico riba nos isla.

Marlon Werleman: Mester 11 voto pa pasa mocion den Parlamento

Marlon Werleman: Mester 11 voto pa pasa mocion den ParlamentoPalabracion entre parlamentarionan NO por reemplasa nos constitucion!

Posted by 24ora on Friday, October 16, 2020

Pa loke ta e proceso di votamento, Werleman a splica cu e ta un novum, den e sentido pa e tempo cu nos ta bibando aden, un pandemia di coronavirus cu a afecta mundo completo. Sigur e forma con parlamento mester traha y aproba leynan.

Mester bisa si cu Parlamento ta mara na reglement van orde. E ta un acuerdo van lagere orde. Un acuerdo cu Parlamento, fraccionnan a impone riba nan mes di con ta maneha y con nan ta trata den reunionnan. Un di nan ta cu mester tin quorum pa por habri un reunion publico.

Ora di votacion pa un ley of pa un mocion keda aproba, mester tin un minimo di 11 parlamentario den parlamento. A lo menos 11 mester ta na fabor pa e mocion of e ley aki keda aproba y asina sigui su caminda pa por formalisa pa gobernador y bira un ley pa nos pais.

Den pasado a yega di pasa mocionnan di desconfiansa, pero pa prome biaha nan ta pasa uno riba un mandatario na mando.

Marlon Werleman a dedica 28 aña di su bida na politica. El a sirbi como miembro di parlamento pa fraccion di MEP, a fungi como vice-presidente y a asumi e puesto di presidente di parlamento na momento cu Freddis Refunjol a bira Gobernador y cu Frido Croes a sali di parlamento pa bira minister. Awendia e ta dedica na trabounan den sector priva y ta den hunta di comisario den companianan estatal. E no ta activo mas den politica pero ta sigui desaroyonan di cerca si.

Segun Marlon Werleman, si mira bon, den pasado ora cu ta trata di coalicion, diferente partido, semper partidonan ta purba “stem af” adelanta, prome cu nan bay Parlamento.

Nos ta bibando den temponan diferente cu tin cu deal den forma nan diferente. Pa presenta un mocion contra un minister di bo propio gobierno, e no ta nada facil. Esaki ta algo cu tin cu discuti den coalicion prome, si tin cualkier problema of desconfiansa den un minister, partidonan den coalicion mester atende cu esaki y mester bisa cu de facto, loke ta haya aki ta manera un primicia pa algo nobo y defacto tin cu wak e ora ey kico ta bay sosode.

Werleman a confirma cu un mocion, pa haya caracter cu e ta bira valido, mester tin sosten di mayoria y mayoria den parlamento ta nifica minimo 11 voto.

Si mira bon, loke por a sigui ta cu Parlamento riba su mes, fraccionnan, hunto cu presidente a yega na cierto palabracionnan bao di nan, cu nan ta atende cu presencia di reunion, cu votacion, con pa atende reunion, principalmente pa e parti di quorum pa ta den sala pa por conta cabes, pa wak si tin quorum pa e reunion por sigui. Cu nan a desvia di esaki, ta parti di e palabracionnan cu tin den Parlamento, reglement van orde.

Ora cu haci desviacionnan di e reglement van orde aunke a palabr’e hunto, mester tene na bista si esaki no ta bay den contra di un ley, of e ta bay den contra di nos statuut, of ta bay den contra di un ley mas halto di nos pais. Segun Werleman, den nos constitucion ta regla cu e forma con Parlamento tin cu atene na ley, ta conta pa mocion tambe, cu te ainda ta poni cu si kier pasa un ley of mocion, cu mayoria (11) den un votacion, tin cu aproba esaki.