Durante conferencia di prensa di Fraccion di POR, lider di fraccion, Marisol Lopez-Tromp a informa riba su biahe como parti di e delegacion di Aruba na Hulanda.
A asisti na e reunionnan interparlamentario di Reino Hulandes den cual tur fraccion den Parlamento a participa. Durante e prome siman a reuni riba diferente topico di interes comun, interes pa Aruba, pero particularmente pa tur e paisnan di Reino, manera entre otro e geschillen regeling y e situacion pa cu Venezuela.
Tambe tabatin reunionnan tripartidario, esta reunionnan entre e islanan Aruba, Corsow y Sint Maarten y e siguiente siman tabatin diferente bishita di trabou na entre otro Eerste Kamer, Tweede Kamer, Ombudsman y Raad van State entre otro. Ta trata aki di bishitanan relevante pa nan trabou como parlamentario.
Marisol Lopez-Tromp a indica cu tur e reunionnan aki tabata satisfactorio.
