Ta fresco den nos memoria con parlamento a vota pa remove drs. Marisol Lopez-Tromp, e tempo ey minister di infrastructura, for di su funcion. Pero loke a hala mas atencion ta con e votacion a tuma luga, ya cu ta 10 parlamentario a vota na luga di e mayoria cual ta 11. E tempo ey, presidente di parlamento Ady Thijsen a remarca na Lopez-Tromp cu “politica ta cruel”.
Politica ta mas cu cruel, ta loke cu lider di fraccion di MAS, drs. Marisol Lopez-Tromp a indica den un entrevista cu Enfoke.
E ta conta cu diahuebs, den tur reunion cu tabatin y den e simannan cu a pasa, varios carta a bin y a bay. Tabatin varios discusion entre otro di Serlimar y mientras tanto, Lopez-Tromp a haya un carta cu el a keda boca habri. Esaki den sentido cu mas cu un aña despues ta mira un documento cu p’e ta prome biaha e ta wak e, como persona cu el a pasa den e proceso aki. Tabata aña pasa unda cu parlamento, e organo mas halto di nos pais y cu ta esun autorisa pa dicidi si ta laga un minister keda of bay, ora a mira e carta, firma pa gobernador, mirando e opinion, a tuma nota cu ta un carta bieu. Lopez-Tromp mes no tabata sa cu e tabata existi. Loke pueblo por a mira e tempo ey ta un situacion den parlamento caminda cu tabatin un votacion ilegal. Esaki tur hende por a mira den media, caminda cu dies voto no tin mayoria pa baha un minister. Pa un relato mas detaya lesa TREMPAN