Awe merdia a sosode un accidente na Hooiberg, den bisindario di Well Well Bar Restaurant. Na yegada di autoridadnan a topa cu un scooter y un auto memey caminda y di cual e motociclista tabata herida benta riba caminda.
E scooter tabata bahando di Santa Cruz coriendo den direccion di Oranjestad, ora cu un Yaris, maneha pa un dama, a lora su dilanti, pa bay na banda robez.
Probablemente e chauffeur a pensa cu e tin suficiente tempo pero esaki no tabata e caso. E scooter a dal den e auto, parti drechi patras.
Personal di Ambulance a trata e motociclista na e sitio mes.
Trafico a keda stanca pa un bon rato debi ma e accidente. Polisnan mester a desvia trafico pa por a maneha e fluho di trafico na e sitio.
