Diadomingo, 12 di Mei, famianan a bin hunto pa asina celebra dia di Mama, hunto cu mamanan. Nan a disfruta di un menu cu Driftwood Restaurant a prepara specialmente pa e dia aki.
Edwin Marc Hsing ta un di e clientenan cu a bin cu su famia pa celebra dia di mama. El a comenta cu el a lanta su mama desee feliz dia di mama,dun’e un regalito y despues prepara pa bay come na Driftwood. Hsing ta desea su mama hopi felicidad, salud y hopi pasenshi vooral cu su dos yiu fastiosonan.
Mamanan di tur edad a disfruta un mundo na Driftwood Restaurant
Mamanan di tur edad a disfruta un mundo na Driftwood Restaurant. Click link pa mas https://24ora.tv/2W2k2iy
Posted by 24ora on Monday, May 13, 2019
Gilward Wester tambe a bin Driftwood cu su mama. E ta stima su mama un mundo pa semper, tabata su mensahe pa su kerida mama. Tambe e ta desea tur mama na Aruba un feliz dia di mama.
Carolina Merryweather-Raven a conta di parti di Driftwood cu e diadomingo aki a bay hopi bon. Hopi mama a bin celebra na Driftwood. Y e ta comenta cu su mama ta un persona hopi special p’e. E ta desea na tur mama pa pasa un dia ameno y pasa un dushi dia cu e yiunan.
Sigur tabata un super bon dia caminda cu e mamanan a come nan lunch delicioso, y naturalmente e regalonan no tabata falta. Di e manera aki tambe, nos ta desea tur mama pabien grandi riba nan dia.
