Den un programa informativo di F.F.D., presenta pa Cadochi Kock un cierto momento Cadochi Kock a haci e pregunta na Sr. Junior Tromp di FFD: Tin mantencion akinan? Tin hende ta traha akinan?
E contesa di Sr. Junior Tromp di FFD tabata:
“Esaki ta pa atrobe illustra cu tin hende ta yega dijs pa yega. Esey ta refleha no solamente riba su persona solamente, sino riba e managers nan cu mester controla si trabaonan ta wordo ehecuta”.
Tambe Sr. Tromp a haci mencion cu nos hendenan mester aprecia nan trabao y siña cu nan mester ta contento cu nan trabao. E comentarionan aki a cay den mal tera y ta obvio cu ta rebaha e trahador den su funcionamento.
Enbez cu e director di FFD ta expresa su mes asina, ta bon pa recordé cu na luna di maart trahadornan, den presencia di SEPPA a tene un reunion cu e Directiva di FFD.
E reunion a wordo pidi abase di loke a palabra cu e miembronan di Directiva anterior, esta cu semper ta habri pa trahadornan, cu directiva kier scucha na unda mester drecha. Den e reunion aki trahadornan ta haci varios reclamo na e Directiva:
A pidi klei di un aña pasa, ainda nada. Ta hibando e lucha cu e palomanan, hopi molester di paloma, mester laba tribune tur dia pa motibo di paloma, paloma tin e lugar na werki, nan ta haci e lugar limpi, pa anochi ora cu tin wega, e ta sushi atrobe. Tin un producto pa usa pa limpieza cu ta wordo cumpra pa cierto centronan, pero na un no. Tin critica cu e veld mester wordo hasi limpi pero no tin machine, ta un solo quadracer tin pa tur e veldnan.
Ora di pidi material ta dura un pa un dia y mitar pa haya esaki.
Holor desagradable ta sali for di e baño na cierto centronan.
Toilet no ta sirbi, ta keda gasta awa, nan mester wordo cambia.
Shete aña sin ricibi un aumento di salario, otro den 20 aña no a ricibi un aumento di salario. Ta pidi pa basha un vloer dilanti di e kleedkamer. Cura ta na werki, kico ta pensa di bay hasi cune? E machine pa ora di limpieza ta hopi bieuw, ta pasa trabao pa start. Mester di un nobo.
Despues cu trahadornan a trece nan puntonan, Sr. Juni Tromp como director di FFD a contesta pa e directiva cu lo analisa tur e puntonan aki y lo trece contesta den un proximo reunion. Te cu awe trahadornan no a wordo yama pa ningun reunion corda pa haya contesta y/o solucion pa nan problemanan. Pero si tin e cuero di cara pa critica y tira culpa riba e trahadornan di FFD di e mal maneho hiba pa e Directiva.
Definitivamente, esaki ta un situacion inacceptabel ¡! Trahadornan merece tur respet pa e trabao cu nan ta desplega y si FFD no ta percura pa material, esaki nan mester carga e responsabilidad pe tambe. SEPPA ta spera cu e Directiva nobo tin atencion pa loke tur dos banda tin di bisa y no solamente e Director.
