Mas detencion pa download video di Pornografia Infantil

Internacionalmente Autoridad tin wowo riba tur pais unda ta download Pornografia Infantil. Autoridad Internacionalmente ta avisa paisnan unda ta mira cu tin hende ta download e videonan aki. Na Aruba tambe RST a wordo notifica via coleganan di exterior cu tin hendenan activamente cu e downloading di Pornografia di menor. A base di esey mes via RST na Curacao a notifica RST na Aruba.

A base di e informacion acumula a cuminsa na detene hende. Den e prome sali a pone man riba cinco persona. Cinco sospechoso di cual despues a laga un of dos bay. Despues a keda tres deteni pendiente investigacion. Djey a laga dos mas bay liber pasobra nan no a download masha cos. A keda uno deteni pasobra el a download basta material di video pornografico di menor. Mientrastanto a sigui investiga y a pone man riba mas sospechoso. Esun aki diahuebs RST a detene y Jeugd en Zeden Politie ta sigui cu e investigacion y interogacion di e sospechosonan.

Mas detencion pa download video di Pornografia Infantil

Mas detencion pa download video di Pornografia Infantil. Click e link pa mas https://24ora.tv/2JBzOIV

Posted by 24ora on Thursday, July 11, 2019

Aki ta trata di e homber M.L. Ta un persona cu ta traha pa diferente empresa como IT. E ta sospechoso tambe awor den Downloading di video di Pornografia Infantil. Diahuebs mainta el a presenta na warda di Playa caminda Recherche di Juegd en Zeden Politie a haci interogacion. No sa con hopi el a download y con largo e lo keda deteni. A base di IP Adres ta yega na e adres y esnan cu ta responsabel pa e Down Loading di e videonan di Pornografia Infantil. Mester mira bon kico ta haci pasobra autoridad tin wowo riba e cosnan aki. Na Merca e ta algo castigable cu castigonan basta pisa. Hopi ta kere cu na Aruba no ta haci nada. Pero den e casonan aki for di exterior e redflag ta lanta y esey ta causa mesora cu ta notifica e pais concerni. Den e casonan aki autoridad di Aruba a actua.

Comments

comments