Luis Silva ta preocupa for di un situacion cu nan a sak’e for di sistema di registro civil na Playa. Pa motibonan valido, e tabata den exterior pa 11 luna. A base cu nan a sak’e for di sistema, e tin su derechonan cu e ta perde tambe.
El a splica cu a sak’e for di Censo. E ta cu e documentonan cu ta hustifica su ausencia pa mas di 11 luna, cu certificado medico. Nan no a ricibi’e, segun e ta splica. El a bay Dimas pa cambia e carnet di stranheria, unda cu tin un cambio oficial, cual a wordo haci. Pero loke ta inadminisibel ta cu e directora di Censo ta desconoce cu un persona di tercera edad cu tin un apoyo unda cu por ricibi den domicilio cu no tin exigencia pa bin bek. Pa no tin exigencia pa bin bek, tampoco no por yega sak’e for di Censo. El a hiba su keho tambe pa gobernador, el a splica.
El a comunica cu OPPA cerca e presidente Ivo Valdez. E conoce e documento internacional aki, pero e no ta kere cu Censo a yega asina leu.
Si e tabata den Censo, sr. Silva tin 24 aña bibando na Aruba. Y awo nan a sak’e despues cu e tabata tin 11 luna den exterior. El a aporta for di 1994 cu su actividadnan laboral na diferente compania, cu su loonbelating y ainda e ta haciendo, pasobra tur ciudadano mester haci’e. Cu su aporte tambe, e ta yuda pensiona un otro persona grandi. Inclusive pa esnan cu ta bayendo cu pensioen.
Y pa motibo di e hecho aki, su pensioen tambe ta core peliger, pasobra nan ta sak’e for di e sistema. Nan ta sak’e automaticamente for di e sistema bancario, for di SVB, etc. Actualmente e ta canando su caminda. El a keha varios caminda, entre otro na ONU y tambe na Rainbow Warriors y tambe a manda un email pa Luxemburg pa e ricibi e keho, sin kita cu ya el a bay na Gobernador pa e hecho aki.
Su documentacionnan
Sr. Silva tin firma liber. E firma liber ta garantisa e estadia permanente y e ingreso liber pa Aruba. E tin su AZV, cu ta caduca na 2027. E tin un cedula, saca aña pasa, cu ta caduca na 2022. E ora, el a cumpli cu tur regla, segun Silva.
El a scucha tur esey na radio ora cu e directora Kathy Paskel a manifesta cu esun cu ausenta mas di 11 luna, mester hustifica cu ta pa estudio of pa salud. Wel, sr. Silva a bay salud. Esta 24 aña den Censo y den 1 minuut el a perde su derechonan. E ora mester hinca den computer cu den 1 minuut no por benta afo e derecho di un persona di tercera edad.
Su caminda di cruz
E proceso di LAR, cual ta lo corecto, lo bay tarda. Por ta mas di 30 dia, of hasta 45 dia. Y mester haci un entrevista y cosnan por estilo. Pa tin aki un pensionado den e condicionnan cu e ta, ya e tin 64 aña, cual no por ta bon p’e, mirando pa su aspectonan di salud y tambe su edad, sin conta cu Aruba ta costoso.
Silva a splic tambe cu cual e persona por tin ta su dignidad y su derecho. Y den esey e ta batiendo na e portanan corecto. E ta sinti cu el a contribui na e sociedad y tey na Aruba sin problema. El a contribui pa e pensiona su mes y a contribui pa otronan tambe haya nan pensioen.
E derecho pa naturalisacion pa na momento cumpli 65 aña tambe a wordo obstaculisa.
Sr. Silva a bin adverti na e comunidad imigrante pa tuma e camindanan corecto. OPPA, e fundacion di e pensionadonan di e sector publico, di cual e tin full nan respaldo. Tambe di e fundacion Dominicana, cual a habri nan portanan p’e. Tambe sr. Milton Ponson, di Rainbow International tambe e ta gradici. El a keha na e federacion internacional di derechonan Humano cu ta na paris y tambe na Brussels pa mira kico ta pasando na Aruba, cu previo aviso na Hulanda. Tambe e lo bay comunica cu e despacho real, mirando cu e tin un relacion fluido, bisando cu nan ta descriminando esnan di tercera edad y nan ta kitando nan derecho.
Otro casonan
Na Aruba tin 350 caso, di dje no ta unico. E ta pertenece na e organisacion di derechonan humano. A abusa di esnan di tercera edad. Nan no sa con pa yega na e portanan corespondiente. Aruba ta hopi costoso pa nan aki. Segun sr. Silva, na final lo bay tin un coreccion di e fayo. Ya e gobernador ta na altura y e lo tin cu pone un opinion hopi diferente, mas sensato y humano. Sr. Silva ta kere cu esaki no lo bay tarda.
E lo keda Aruba?
Den e situacionnan manera cu Censo a trata, e tin cu regresa su pais pa nan propio deficiencia. E no por ta sin AZV, pasobra e ta hopi vulnerabel. Sin AZV un persona ta vulnerabel. Un malesa, solo, un accidente. Di un otro banda, e riesgo halto cu tin un persona di edad aki. E ora ey, ta miho pa bay su pais, warda e resultadonan y wak kico mas ta pasando. El a cumpli cu tur rekisito. E no a viola ley, el a mantene un conducta intachabel y tambe e ta cumpli cu belasting y lo bay sigui cumpli tambe. E no sa ki ken e fayo ta, pasobra e ta cumpli. Tur e cosnan aki e lo bay cumpli cun’e. E ta haci un yamado na su compatriotanan y e comunidad di imigrante cu ora cu nan viola derechonan di esnan di tercera edad, nan tin e canciyeria. Nan ta responde na tur e reclamonan.
E derecho
Su derecho e tin’e gana y mester deposita segun ley ta indica. Pero di tur manera, su preocupacion ta cu e persona grandi na e momento ey, ta hopi vulnerabel na Aruba y ta hopi caro economicamente.
