Cos a bay completamente robes cu turista den su v-car riba beach. Den ora di anochi un turista a haya ta bon di subi e beach na Eagle Beach. Locual e no a spera ta di a keda pega den e santo blanco.
Mainta trempan diferente ambientalista y hende cu ta stima nos isla a bati alarma y den careda di 10:00 am polis a presenta pa constata e v-car mal pega den e santo blanco. Un KIA Picanto blanco ( V-125) laga atras. Por a tuma nota di e intento cu nan ahci pa purba saca e vehiculo pero no a logra.
Responsible di e acto aki no tabata na sitio, e vehiculo tabata cera y ta propiedad di Avis Car Rental. Ta di spera cu a cuminsa un investigacion pa haya sa ken ta e chauffeur y asina dune e multa corespondiente. A tuma contacto cu takelwagen pa asina cuminsa e trabou pa saca e vehiculo aki for di riba beach. Na mes momento a tuma nota di mas turista na sitio tambe sacando potret di e sucedido. Nan mes tabata sorprendi.
Ta algo cu na otro paisnan tampoco ta permit y no ta compronde di unda por a pensa cu aki rina nos isla lo a permit esaki tuma luga.
