Ichelle Oduber-Simon ta invitabo pa hunto repasa e noticianan mas importante di e dia di awe.
Consultorio di Dokternan di Cas, esta Dr. Boderie, Giel y Wever ta cera. Motibo ta cu un di e dokternan aki, specificamente dr. D. Giel, ta e di tres pashent di Aruba contagia cu Coronavirus.
Piloto y Co-Piloto cu tabata den e avion priva cu matricula N834MM cu a yega awe marduga den forma ilegal na aeropuerto, ta deteni. E avion a sali for di Mexico rumbo pa Caracas, Venezuela pero a keda bula riba Aruba y despues a baha sin permiso. Ta investigando awo, kico tabata na plan!
Comerciantenan a cuminsa adapta nan mes riba metodonan necesario/ importante pa tene e comunidad lo mas leu poibel di un brote masal di e coronavirus.
Director di KIA a splica cu dos siman pasa ya caba a cuminsa cu charla pa personal na KIA, den un esfuerso pa tuma tur medida posibel pa evita contagio interno di Coronavirus. Segun e crisis ta canando ta sigui evalua kico otro por haci pa garantisa siguridad den prizon.
Cu pasashi den man, KLM no ta permitie pa aborda avion pa yega Aruba. Dia 9 di maart ultimo el a kita su nomber for di registro civil na Hulanda. Na su yegada na aeropuerto no a permitie pa biaha pa Aruba, apesar cu su paspoort Hulandes ta bisa cu el a nace na Aruba.
Den e discurso
nacional dialuna nochi Prome Minister Mark Rutte a uza e terminologia
“groepsimmuniteit”, como algo cu por frena e plamamento di Coronavirus.
“Esun cu a haya e virus, despues di esey mayoria biaha ta immuun.
Mescos antes cu sarampi.