Ta evidente cu e industria di aviacion ta den un temporada abou debi cu e economia a cay lihe dor di un recesion. Companianan ta kita empleadonan y desempleo ta crece door di e pandemia Coronavirus. E pregunta ta: Con largo e temporada abou lo dura?
Tin hopi pronostico cu pa luna di juni caba e pasaheronan lo cuminsa biaha den numbernan considerabel, pero mas tarda p’e di 4 kwartal cu ta cuminsa na October. Sinembargo, e mesun calculacion no ta inclui e regreso di nivel di trafico di aña 2019, ora cu tabatin 926 miyon hende tabata biaha na Merca so.
“Nos ta anticipa cu e crecemento di trafico lo mehora na comienso di e di 4 kwartal di 2020, pero no lo yega e nivel di 2019 te na aña 2022,” asina analista di Cowen, Helane Becker, a skirbi den un rapport.
Savanthi Sytha, analista di Raymond James a bisa cu e no ta expect cu e cantidad di pasaheronan lo yega su peak anterior te cu rond di aña 2023. E ta expect algo di un “normal nobo” cu e pasaheronan ta demanda, alo menos na Merca, di tin 10-15% mas abou cu e nivel di 2019 na final di e aña aki.
