Dr. Fauci ta pidi restriccionnan di biahe mas largo

1113

Durante un discusion largo di 1 ora, Dr. Anthony Fauci – mira como e bos publico mas confiabel di Merca p’e crisis di Coronavirus- a ofrece diferente evaluacion cu a sorprende su mesun hefe na Institucion Nacional di Salubridad (NIH na Ingles). “Wow,” asina e Director di NIH Dr. Francis Collins a bisa despues cu Fauci a bis’e cu e prohibicion di biahe estableci pa gobierno Mericano algun siman atras, mester keda na luga pa un temporada largo despues cu e virus kita di e pais.

“Nos mester ta realmente cauteloso ora cu nos regresa na normalidad, cu nos no ta yega kita e restriccionnan di biahe”, asina Dr. Fauci a bisa Collins durante nan combersacion, cual NIH a organisa cu su empleadonan. Na cierto punto, Fauci – kende Collins recientemente a yama “heroe” y “esun cu ta bisa berdad” – incluso a admiti cu si tin un vacuna disponibel pa otro aña, “no ta kere cu nos tin suficiente dosis pa tur hende”. Durante combersacion di siman pasa, Fauci y Collins a discuti riba un “di dos ola” di Coronavirus cu por dal despues cu negoshinan cuminsa bek y hendenan cuminsa move un biaha mas.

Dr. Anthony Fauci, director of the National Institute of Allergy and Infectious Diseases, listens during a briefing about the coronavirus in the James Brady Press Briefing Room, Friday, March 27, 2020, in Washington. (AP Photo/Alex Brandon)

Contestando e pregunta ey, Fauci a ofrece loke e ta yama un hecho “increibel”: Awo cu China ta “regresando di nan restriccionnan, nan a cuminsa mira casonan nobo,” pero no ta biniendo di Chinesnan mes. E ta bin di hendenan pafo di China, kendenan cu awo ta biaha pa China. “Mi ta kere esey ta un les importante pa nos,” el a bisa Collins. “Pasobra mi ta pensa cu nos ta salba nos mes door di ta activo y trempan haciendo restriccionnan di China.”

Y awo el a agrega, “Europa ta e China nobo,” cu mas caso na Italia cu China tabatin. “Nos mester ta realmente mas cuidadoso ora cu nos purba regresa na normalidad, cu nos no ta simplemente lanta e restriccionnan di biahe,” Fauci a bisa. Collins a responde: “Esaki ta nifica cu nos tin cu bay … realmente ta algo pa pensa un tempo largo pa cera frontera.” Fauci a bisa cu esey e ta pensa.