Ling & Sons ta preparando pa e expansion y renobacion di e luga. Awe a invita tur cliente pa asina ki nan por bin y mira pa nan mes e progreso cu nan tin te cu awo pa loke ta e renobacion di Ling & Sons.
Ta bezig ta mehora e experiencia di shopping cu e clientenan tin den tienda y parti di esaki ta e renobacion di e tienda. Hopi cliente por a mira tur e cambionan positivo cu ta pasando, pero nan no sa exactamente kico e resultado final mester ta, of kico Ling & Sons precies ta bezig cun’e.
Ta e motibo aki mes a invita tur cliente pa asina nan bin wak kico tur a haci caba den e ultimo dos pa tres lunana. Awo por mira cu den e area di fruta y berdura, unda cu tin coolernan nobo, hopi mas moderno. A expande un tiki mas. E decoracion tambe ta diferente, hopi mas moderno y asina aki otro areanan tambe cu nan a traha caba riba dje den tienda, cual ta e area di beleg. Nan tambe tin mobiliario nobo. E area di fruta y berdura corta tambe ta nobo. E area di carnicernia a wordo amplia. Esaki ainda ta den proceso. Pesey ta invita tur hende bin y mira loke cu nan a haci te cu awo. Pero tambe, mira tur loke falta ainda. Pa asina nan tin un idea con e futuro Ling & Sons lo bay mustra. Con nan supermercado lo bay ta aki paar di tempo.
Fuera di e expansion y renobacion, Ling & Sons semper tin oferta, semper ta pensa riba e clientenan pa percura pa haci’e atractivo, pa nan bin haci nan shopping. No solamente e idea su tras pa tin un supermercado bunita, pa tin un supermercado mas grandi y amplio, pero tambe pa tin un supermercado cu tin e miho ofertanan.
Actualmente nan tin e ofertanan di Carnaval, cual ta bayendo hopi bon. Tur siman tin diferente oferta. Tin e ofertanan di tur dia cu ta tur diamars, cual nan tin nan descuento di 20% riba fruta y berdura. Tur diaranson tin 3% di descuento pa tur e pensionadonan. Tur diahuebs tin 20% di descuento riba tur carni fresco.
Pa por a amplia e carniceria, mester a move e panaderia den e otro parti di e tienda cu ainda falta pa renoba. Awo e clientenan por mira con nan a amplia caba. Un bibo ehempel ta e carniceria.
Awo falta un panaderia nobo, amplio, hopi mas grandi cu ainda falta pa bin den Ling & Son.
Dimes, ta haci un variacion pa loke ta e specialnan. Nan tin nan specialnan di carnaval. Tin un special na Carniceria. Nan tin por ehempel BBQ Porkchop na special, Chicken breast na special. Nan tin Fish Cutlet na Special. Tambe nan tin cerbes Balashi na Special pa e temporada di Carnaval. Tin special pa un y tur.
Pa tur esnan cu kier wak e specialnan por bay riba nan pagina web, tambe riba facebook y tambe instagram.
