Zyon Luidens ta den Caiso y Soca Monarch

Por medio di e comunicado di prensa aki Stichting Musica ta informa cu awe e cantante Randall Luidens, mihor conoci bou di su nomber artístico Zyon, a wordo informa cu despues di a revisa su keho internamente y cu asesoria huridico Stichting Musica a tuma e decision cu meneee Luidens por participa awe nochi den e categoria di Caiso durante e festival Aruba Caiso and Soca Monarch 2019.

Breaking News: Exclusivo: Zyon Luidens ta den Caiso y Soca Monarch awenochiPartidonan hunto a yega na otro….

Posted by 24ora on Saturday, February 9, 2019


Den e caso aki tabata tin un eror den interpretacion di e regla- y regulacionnan di Stichting Musica y na momento cu esey ta e caso Stichting Musica ta tuma responsabilidad pa esaki tambe y ta coregi locual cu no a cana corecto. Stichting Musica lo tuma e incidente aki pa siña afor y conhuntamente cu e cuerpo di hurado lo percura pa aplica e regla- y regulacionnan debidamente. Awenochi e grandioso festival ta start sali pa 8 ‘or y Stichting Musica ta tuma e oportunidad aki pa invita pueblo di Aruba completo pa bin apoya nos musiconan y sigui engrandece nos Carnaval 65.