Invitacion pa cu Eleccion di Reina di Tante Lilly Putter Peuterschool
Ya caba pa algun siman, of kisas hasta algun luna, e muchanan ta den preparacion. Diadomingo, 10 di Februari, ta e dia cu nan ta saca nan reina y prins pa 2019.
E preparacionnan pa e eleccion di Reina di Lilly Putters Speelschool ta andando.
Lilly Putters ya caba ta cumpliendo 41 aña di existencia, na unda cu tur aña sra. Lilly Arends a sa di pone un tremendo eleccion di reina y e aña aki tampoco no ta un excepcion.
E muchanan ta super entusiasma. E biaha aki nan ta den pareha.
E parehitanan ta como lo siguiente:
1. Jayxianne Rodriguez y su prins Jacob Croes.
2. Aliyah Thiel y su prins Ethan Malmberg.
3. Dennise Oduber, cu su prins Terrence Williams.
4. River-Lyn Fowler cu su prins Elias Arends.
5. Isabella Solognier cu su prins Jerrson Bislik.
6. Jayzianne Theodora cu su prins Brandon Ponson.
7. Diva Quandus, cu su prins Caleb Croes.
8. Amy-Leah Ibrahim cu su prins Kai Croes.
Por bisa cu e mamanan ta sumamente envolvi den e eleccion di Reina. E aña aki Lilly Putters a introduci un concepto diferente, mirando cu tin un Joker tambe den cas,kende ta Joh-Nuis Noor.
Lilly Putters ta preparando sigur pa mañan subi escenario for di 5’or di atardi. Si bo no a busca bo carchi ainda, pura busca dibo. E aña aki Lilly Putters ta haciendo un biaha mas un tremendo eleccion di reina. Si bo no tin nada di haci mañan atardi, esaki lo ta un gran aporte na nos carnaval cu abo no por perde.
Un y tur ta keda cordialmente invita na Renaissance Convention Center pa 5’or dia atardi. Ta algo sigur cu lo bo disfruta di dje.
