No ta prome biaha cu kiebro y ladronicia ta tuma luga na un of e otro kiosko na Linear Park. E biaha aki tabata na Chill Cafe caminda a bin haya e rolluik gekonkel.
Den ora di mainta, personal cu ta engarga cu mantenemento di e area di Linear Park a bati alarma pa local a bin encontra. Nan a tuma nota cu un di e rolluiknan cu ta cera e bentana grandi di e bar, tabata media habri y cu un bloki poni pa tene esaki habri.
Mesora a avisa polis y no a tarda mucho cu un patruya a presenta. Nan tambe a constata cu en berdad e luik ta kibra. A purba tuma contacto cu propietario pero no a logra. Na e momento ey no tabatin informacion di kico tur of si acaso a logra bau cu algo for di eyden.
