Despues di yegada di Sinterklaas siman pasa, muchanan ta extra bon mucha sperando bishita y regalo for di e homber santo. Tin ta haya regalo casi tur dia ora pone sapato cu yerba pa e cabay di Sinterklaas, mientras otronan ta pendiente pa haya regalo dia 5 di december. Pero awe marduga ladronnan a pasa dilanti Sinterklaas na Top 1 Toys situa riba L.G. Smith Boulevard.
Ora trahadonan a yega trabou mainta, a topa cu e porta destrui. Ta parce cu a pasa un piedra of otro obheto duro den e glas, traha un buraco y a drenta paden pa horta. E empleadonan a bisa Polis cu awor lo haci inventario pa mira kico tur nan “falta” den e tienda di co’i hunga.
