Secretario di Estado di asuntonan Interior y Relacionnan di Reino, Raymond Knops, a informa Tweede Kamer via un carta cu e conicionnan estableci pa Hulanda pa e ayudo nobo di emergencia pa Corsou, Aruba y Sint Maarten, no ta negoshabel. Knops ya a anuncia e ultimo siman aki durante su bishita pa Corsou, segun un articulo den Curacao Chronicle.
Posteriormente e prome minister di Corsou, Eugene Rhuggenaath a crea confusion den medianan cu ainda lo tin espacio pa negociacion pero den un combersacion cu un medio Hulandes local, Rhuggenaath a insinua algun dia despues cu tin poco speransa di cambio den e condicionnan.
Knops ta yama su enfoke den e carta “poco ortodox” pero e ta kere cu e situacion ta asina teribel cu e ta rekeri tal accion. E Secretario di Estado ta reconoce cu e autonomia di e islanan lo ta limita pa e Entidad di Reforma di Caribe. E ta skirbi riba esaki: “E paisnan no por soporta nan autonomia awo. Hulanda kier yuda e paisnan pa nan ta capas di por sostene pelnamente e autonomia di nobo. E entidad lo ta envolvi den e asuntonan aki ora cu e Ley di Reino drenta na vigor. Por duna e impresion cu e Ley di Reion ta viola asina e autonomia di e paisnan. Sin embargo no ta asina”.
E Entidad di Reforma di Caribe lo ta discuti pa di tres biaha den e Conseho di Minister di Reino diabierna awo. Ta desconoce si e paisnan ta di acuerdo cu e propuesta Hulandes.
Loading…
Reload document 
Open in new tab 
