Mervin Wyatt-Ras: E ley di Ombudsman a bira realidad den parlamento

237

Drs. Mervin Wyatt-Ras durante contacto cu prensa diamars dia 9 di september a trece padilanti cu Parlamento a trata e ley di Ombudsman. E ley aki a cana un caminda largo y tabatin diferente cambio.

E idea pa bin un Ombudsman tabata biba ya caba na anja 2004 ora cu e promer iniciativa a ser tuma e tempo ey dor di mr. Zulay van Poppel Marquez, pero e ley no a sigui su caminda. Na anja 2011 durante un reunion publico den Parlamento encuanto di un meneer di skol cu a abusa di un mucha, miembronan di parlamento independiente, Marisol Lopez-Tromp y Mervin Wyatt-Ras a presenta un mocion cu a ser aproba unanimamente dor di tur fraccion pa bin cu un kinderombudsman. 

Mervin Wyatt-Ras: Awe ta trata ley di Ombudsman na Parlamento

Posted by 24ora on Wednesday, September 9, 2020

Na anja 2013 durante gobernacion di AVP a lanta e “bijzondere commissie” encarga cu Ombudsman. A trata no solamente informacion di e ley, tambe e parti financiero, e profiel di e kwartiermaker, campagna di concientisacion y tambe nombracion. E kwartiermaker a ser nombra. Durante tratamento di e presupuesto di anja 2015 di e ministerio di Finansas tur fraccion hunto a entrega un amienda pa pone un post den presupuesto pa cuminsa haci trabounan concreto. Dia 19 di mei di anja 2015 e ley di Ombudsman a ser entrega oficialmente na Parlamento di Aruba. E miembronan tabata e presidente di parlamento, sra. Lopez-Tromp, sra. de Sousa- Croes, sra. Jansen-Varlack, sr. Rasmijn, sr. Tromp, sra Wyatt-Ras, 3 miembro di fraccion di MEP y sr. Bikker di e fraccion di PDR. Dia 15 di september 2015 e conseho di Raad van Advies a drenta na Parlamento. Na augustus di anja 2016 a drenta un cambio den e ley. 

Despues Raad van Advies a duna su di dos conseho dia 24 september 2019 y e nader rapport di Directie Wetgeving en Juirdische Zaken a yega Staten dia 1 di september 2020. Fraccion di AVP cu tabata envolvi na cuna di e ley aki mesora a pidi pa laga e kwartiermaker y Wetgeving splica e “gewijzigd ontwerp” y e “nader rapport” cu a drenta parlamento dia 1 di september. En bista di comentarionan di Raad van Advies y e hecho cu tin un “ontwerp” nobo, e procedura mihor lo mester tabata pa bai bek den reunion di comision central pa por haci pregunta. Sin consulta cu e comision encarga cu Ombudsman e presidente a tuma decision su so y sigui cu e reunion publico. Segun reglement van orde ta e comision mester draag voor e stuk pa e ser trata of den commissie of den openbare vergadering. 

E presidente di parlamento dogmatico aki cu no ta lesa ni ta compronde ley, a pesar di peticion di Wyatt-Ras y fraccion di AVP y tambe di parlamentario independiente Dapney Cesareo-Lejuez a yama un reunion nobo sin voer af e agendapunt bieuw. Pues contra di reglement van orde y ora cu a mustr’e ariba esaki e mester a coregi su mes pero a dicidi di habri e reunion bieuw y presidi esaki y no por a sinta pa defende e ley. Pa su cabesura e mester a coloca sra. Dellanire Maduro na su lugar. Aki atrobe pa motibo di politikeria. Pero Wyatt-Ras y su coleganan na un forma profesional a dicidi cu no ta bai discuti pa haya credito. Importante ta pa e ley wordo aproba. Ta keda na e presidente pa skohe un biaha mas pa haci cos con cu ta y contra reglanan

E ley di Ombudsman a bira realidad den parlamento

E ley di Ombudsman a bira realidad den parlamentoClick link pa mas: https://24ora.news/3bIo1Gd

Posted by 24ora on Wednesday, September 9, 2020

Segun Wyatt-Ras e instituto Ombudsman lo garantisa derechonan di nos ciudadanonan. E Ombudsman tin cu investiga ora e haya un peticion concreto. Den e prome version di e ley e Ombudsman por a investiga segun kehonan. E Ombudsman por investiga departamentonan di gobierno, tambe nutsbedrijven y fundacionnan. Tur cu tin di haber cu derecho di nos pueblo pero tambe derecho di nos muchanan. Parlamento ta nombra un Ombudsman cu cu dos tercera parti di voto y ta nombra un substituto cu ta e Kinderombudsman. Alabes Parlamento por kita e Ombudsman. Aki Wyatt-Ras a cuestiona cu den e ley mes no ta haci mencion di e dos tercera parti aki. Ora e Ombudsman funciona manera cu mester e tin cu duna relato anual na Parlamento. 

E lo fortifica e trabou di parlamento den control di gobierno.  E lo fortifica e estado di derecho di nos pais. E lo ta skerpi pa duna gobierno feedback unda instancianan ta faya cu nan trabou. Alaves e lo tin un rol preventivo y ora e haya un problema presenta serca dje e ta tuma contacto cu e instancia concerni y por  intermedia pa por bin na un solucion. Wyatt-Ras y su coleganan lo keda den espera di e cambio di ley di nos constitucion pa di e forma aki en berdad garantisa cu e ley di Ombudsman por bin na vigor. Wyatt-Ras a trece padilanti cu como miembro cu tabata den e comision for di inicio el a considera necesario ora a ricibi e “concepto di ley cambia of e “gewijzigd ontwerp”, pa den nomber di fraccion, pidi un reunion cu e comision pa wak kico Raad van Advies a trece padilanti y pa laga DWJZ duna un splicacion di e “nader rapport”. Presidente di Parlamento a yama e reunion di caracter informativo pero no tabata kier manera Wyatt-Ras a sugeri pa duna oportunidad pa haci pregunta den Centrale Commissie manera mester ta. 

E ley pues mester a bai bek den Comision Central pa parlamentarionan por haci pregunta of duna e “gewijzigd ontwerp un “blanco verslag” pa despues e sigui su caminda pa reunion publico. E presidente por a “voer” e punto di agenda ey “af” for di e reunion publico anterior. Pero e no tabata ke. Esaki ta un otro bluder di dje pero dor cu e tin mayoria e ta “getting away with murder”. Segun Wyatt-Ras netamente paso ta trata di un entidad cu ta bai garantisa integridad, un ley cu ta bai garantisa cu proceduranan mester cana corecto pesey nos mester garantisa cu e ta bai corecto. 

Pero en todo caso nos di AVP ta sostene e ley di Ombudsman, manera cu nos a bin ta haci y Wyatt-Ras seguramente tambe. Nos fraccion a inicia cu e proceso di pasa e ley aki y lo finalisa cun’e tambe. Si e presidente kier haci politikeria manera semper e ta haci, nos lo skohe pa para na banda di pueblo. Nos deseo ta pa e ley aki por bin na vigor pa nos tin nos “checks and balances in place” y pa nos como Parlamento por controla gobierno miho ainda y pa garantisa cu nos entidadnan ta duna bon servicio of ayudo na momento cu nos pueblo aserca nan.