Kiwanis Club of San Nicolas (“KCSN”) ta contento pa anuncia e segundo edicion di celebracion di “King’s Night Street Fair” cu lo tuma luga dia 26 di april entrante 6:00 pm den Mainstreet San Nicolas. Aña pasa tawata un exito completo y e aña aki lo ta mas grandi, mas miho ainda pa duna comunidad un experiencia inolvidabel e anochi aki.
Locual cu por spera e anochi aki ta sigur un variedad di entretenimento y cuminda:
– Un Pop-Up sale na KCSN su Clubhuis cu paña y acesorio nan nobo di marca renombra – Varios tent pa promove benta local “Shop Local” di cuminda, arte, y treat tipico pa celebra Dia di Rey;
– Live music di banda nan manera Tsunami, Groove Masters, DJ Sky, DJ Vicious y mas – Un Food Court cu lo ta situa riba parkeerplaats di Aruba Bank su Branch na San Nicolas, cu mas variedad di cuminda y caminda cu por sinta saboria y disfruta di e ambiente;
– Actividad pa e muchanan y adulto, pa asina henter famia por celebra.
KCSN ta invita bo pa pasa disfruta e anochi aki desde 6:00 pm te cu 12:00 am (mey anochi) den caya principal na San Nicolas, desde Aruba Bank su Branch te cu Charlie’s Bar.
Keda na altura di nos Facebook Page: Kiwanis Club of San Nicolas pa mas informacion di evento. Tambe pa e actividad- y proyectonan binidero na bienestar di nos comunidad! Ya nos kier gradici Aruba Bank y Balashi pa nan sosten. Si ta desea di forma parti di e evento aki como patrocinado por tuma contacto cu nos: [email protected].
Un tiki di Kiwanis Club of San Nicolas:
Desde 2020, KCSN tin como meta pa mehoracion di nos mundo henter – cada bes, un mucha y un comunidad. Nos enfoke di mas grandi ta nos muchanan pa medio di nos proyectonan y actividad nan, nos ta crea e oportunidad pa tur mucha por siña, experiencia, soña, triunfa y prospera. Kiwanis Club of San Nicolas ta enfoka riba sirbi e comunidad di ‘pariba di brug’ principalmente, pero semper lo traha pa bienestar di e comunidad di Aruba en general, y particularmente pa nos muchanan y nos hobennan. Cu e meta pa uni nos comunidad y engrandece e colaboracion den nos comunidad.
