Diabierna atardi Kidneys297 tabata tin e grato placer di entrega e premionan na ganadonan di e evento “Kidneys Lema Challenge”
E prome premio a bay pa Obi Tromp mientras cu e di dos premio tabata Brigit Dijkhoff.
Kidneys 297 a haci entrega di premionan relaciona cu un competencia cu nan a haci bou di pueblo di Aruba. E presidente di e organisacion Milouska Sneek tabata presente pa haci entrega di e premionan. E tabata un competencia cu a cuminsa den luna di november y a finalisa na januari.
Kidneys297 ta existi pa ocho aña caba via cual ta crea conscientisacion riba e malesa cronico di riñon door di organisa actividad unda ta parti awa pero tambe unda ta duna informacion y parti flyers.
Esnan interesa por tuma contacto cu e organisacion via di nan pagina di Facebook y lo haya reaccion hopi lihe.
Dia 10 di maart ta recorda “World Kidney Day” y ta prepara un actividad pa e fecha aki cu tin e lema Con bo ta biba cu bo malesa cronico mas miho”. Pero pa mas informacion, sigui nan riba Facebook.
Brigit Dijkhof a gradici e fundacion pa e campaña cu nan a hiba y cu a inspira su persona. E mes ta bebe 3 pa 4 liter di awa pa dia. “E tin hopi beneficio,” el a bisa.
E ganado tabata un participante hopi hoben y a recorda tur hende cu mester cuida nan riñon.
