Kapel di Alto Vista pa prome biaha tin luz

Durante un ceremonia teni dialuna atardi, a pone un sistema di iluminacion na Kapel di Alto Vista. Algo cu nunca e kapel aki tabata dispone di dje.

Robert Jeandor, e persona encarga cu Kapel cu ta cay bou di Parokia di Noord, a bisa cu e team ta contento cu Franklin Bareño a haci e bunita gesto aki na Kapel di Alto Vista, despues di varios hecho lamentabel cu a tuma luga na e sitio, entre otro vandalismo.

Kapel di Alto Vista pa prome biaha tin luz

Kapel di Alto Vista pa prome biaha tin luz. Click link pa mas https://24ora.news/31mZe5V

Posted by 24ora on Wednesday, August 5, 2020

E iluminacion ta permiti pa hendenan sinta anochi tambe dilanti di e Kapel, enbes di e scuridad total cu tabatin prome. “E destruccion di ultimo tempo a haci necesario cu mester a bini cu iluminacion,” Jeandor a bisa.

Ta trahando riba mas proyecto, manera wifi y camaranan di siguridad. Pone coriente mes lo bay costa hopi placa, cual no ta posibel ainda. Pero ta trahando riba mas posibilidad.

Un otro boluntario na e sitio tabata Jose Figaroa, kende tabata masha agradecido na Mama Maria cu a logra esaki y bendiciona e persona cu a haci e proyecto aki un realidad. E ayudo a bini den menos cu 10 dia. Nunca Kapel di Alto Visto tabatin coriente ni aw, pero cu e circumstancianan di awendia, mester haci cambio. Y Bareño a haci esaki posibel cu un proyecto di advertorial.

Den e situacion di coronavirus, e decision ta cu e Kapel ta keda habri y ta pidi tur hende pa mantene distancia y uza mondkapjes.