Kansas a pone Aruba bek riba lista di cuarentena

2241

Expertonan di salud na Departamento di Salud y Medio Ambiente di Kansas (KDHE) a pone Aruba bek riba lista di cuarentena. E departamento a kita Aruba for di e lista dia 10 di september, pero a dicidi diahuebs di pone bek.

KDHE a bisa cu casonan di Coronavirus na Aruba a subi cuater biaha cu e cantidad di Kansas. Esey ta e motibo cu a pone Aruba bek riba e lista. Nan a update nan lista di esnan cu mester bay den cuarentena pa diescuater dia; esnan cu a biaha pa Aruba riba of despues di 24 di september; a participa den un evento publico unda tabata presente mas cu 500 hende (pafo di e estado) y individualnan no a mantene distancia social di 1.5 meter y bisti mondkapje; of tabata riba crucero of river cruise dia of despues di 15 di maart.

Segun e departamento, e definicion di mass gatherings ta cualkier evento of luga cu tin mas di 500 hende den un solo camber, espacio paden of pafo. No ta inclui hende cu ta move, manera bay mall, biblioteca, facilidad medico, aeropuerto, bus of station di trein.