Jovenne Webb deteni pa recherche diasabra mainta na Sabana Basora ta den libertad caba. El a keda deteni diasabra sospecha di a bati su ex cu ta mama di su yiu. E dama a haci un keho y recherche a bay investiga y a haya ok di fiscal pa detene. E detencion no a dura largo. Despues di interogacion a laga Jovenne Webb bek den libertad. El a papia cu nos redaccion y a splica cu ningun rato so a agredi e mama di su yiu.
E mes ta studiando na Hulanda. A bin Aruba algun siman pa asina pasa su rijbewijs. Den e proceso a bishita su yiu y a mira den ki bida su yiu ta. E ta di un man pa otro y e mama ta riba trip constant cu bebemento. E no ta haya cu e mama ta responsabel. Pesey mes el a actua y bay papia cu e mama pasobra e kier bon pa su yiu.
E kier tuma su yiu over y bira
Voogd. E ta kere cu e yiu di dos aña tin miho chens na Hulanda unda e mes ta studiando. E yiu merece hopi amor y esey ta netamente locual e mama no ta dunando. Trip y laga su yiu diferente caminda ta loke Jovenne no kier. Pesey e kier logra su voogd. A pura manera hende grandi sinta na mesa y papia.
Ora purba papia cu e mama e cos ta caba na discusion pero no agresion. E denuncia cu e mama a haci no ta klop segun Jovenne. E ta sinti hopi tristo pa bay Hulanda bek y laga su yiu di dos aña den e situacion actual atras. E lo sigui lucha te final pa asina su yiu tin un bida digno y cu hopi amor.
