Diasabra marduga a tuma luga e famoso Jouvert Morning, cu a conta presencia di miles di hende. Manera tur aña for di tur skina di Aruba hendenan a yega San Nicolas, pa asina participa den e Piyama Party, caminda cu nan ta goza den oranan di marduga y caba tempran mainta, marcando asina e ultimo dianan pa loke ta nos Carnaval 66.
Tabata tin participacion di bandanan manera Gril 21, Buleria, Le GrooVE, Mike Disco, Tsunami, N’fusion.
E cabes di e parada mes a yega pa 8’or y 6 di mainta, mientras cu e rabo a yega pa 9’or y 1. Sigur un evento cu a pone hopi hende riba pia, caminda cu varios banda a sa di participa treciendo ambiente den e cayanan di San Nicolas.
Awe nochi, ta bay tin e Lighting Parade na Oranjestad, caminda ta spera cu lo bay tin participacion di varios grupo. Expectativanan ta grandi pa loke ta e parada aki.
