Jacob Gelt Dekker (70) tabata hibando un luchando di algun aña caba contra cancer di Lymfo cu finalmente el a perde. Diadomingo a drenta e informacion cu el a fayece.
E comerciante ta conoci na Corsou principalmente pa su creaccion y e fundado di Hotel Kura Hulanda. Aña pasa via di Facebook el a haci e anuncio cu e ta perdiendo e lucha contra e cancer.
E informe tabata bisa “Three strikes and you are out”. Eyden el a informa cu cos ta bayendo hopi malo cun’e y cu e ta depende di dia y anochi di morfina pa combati e dolornan. E tempo ey el a informa di lo trata un biaha mas cu kimoterapia cu parce a dun’e algun luna mas di bida. Esey tabata di shete biaha cu e cancer a afect’e.
Jacob Gelt Dekker (naci na 1948 na Oterleek, Hulanda), ta un comerciante, filantropo y escritor Hulandes.
Despues di a finalisa su estudionan universitario na Amsterdam, Rotterdam y Rochester, el a sigui haci algun invento manera Splash Healthclubs na y One Hour Super Photo service, cu Kodak despues a cumpra. Na 1981, el a tuma Budget Rent a Car na Hulana pa 200,000 florin y a expande for di 20 auto pa 25.000 vehiculo y a bende esaki na 1996 pa 600 miyon florin.
Kura Hulanda
Na 1998 Gobierno di Corsou a otorga Dekker permiso pa renoba e area historico den bisindario di Otrobanda den un hotel y casino, cu despues a bati bancarota na 2013. Den e mesun area, Dekker a lanta Kura Hulanda Museum cu 10 coleccion describiendo e comercio di esclavitud.
Ultimo añanan e tabata envolvi den Politica y Filantropia. Na 2006 el a haya condecoracion di Gobernador den Ridder den Ordo di Oranje Nassau. E ta co-fundador di Kura Hulanda Fundacion, entre otro.
Palabra di condolencia ta bay na famia y amigonan.
